History of Maharashtra

कोपर्डी खटला : चौकशीला बोलावून केली अटक


अहमदनगर । DNA Live24 - कोपर्डी (ता. कर्जत) प्रकरणाशी आपला संबंध नसताना पोलिसांनी चौकशीला बोलावून मला अटक केली. जातीयवादामुळेच आपल्याला या गुन्ह्यात गोवले. आता न्यायालयाने आता न्याय द्यावा, अशी विनंती आरोपी संतोष भवाळ याने गुरुवारी न्यायालयात केली. त्याच्या वतीने बचाव पक्षाला सहा साक्षीदार तपासायचे असल्याचे सांगून, त्यांची यादी आरोपीचे वकील अॅड. बाळासाहेब खोपडे यांनी न्यायालयात दिली. यादीत विशेष सरकारी वकील अॅड. उज्ज्वल निकम यांचाही समावेश आहे.

कोपर्डी खटल्यात आरोपींचे जबाब नोंदवण्याचे काम सुरू आहे. बुधवारी मुख्य आरोपी जितेंद्र उर्फ पप्पू शिंदे याचा जबाब नोंदवला. त्याने सर्व आरोपांचा इन्कार केला. गुरुवारी आरोपी भवाळचा जबाब नोंदवण्यात आला. त्यानेही त्याच्यावर ठेवलेल्या सर्व आरोपांचा इन्कार केला. साक्षीदारांनी घटनास्थळी व गुन्हा केल्यानंतर मुख्य आरोपीला पाहिले, त्याचा पाठलागही केला, याबद्दल आपल्याला काहीच माहित नसल्याचे भवाळ म्हणाला.

पीडितेच्या मैत्रिणीने मुख्य आरोपी शिंदे, भवाळ व भैलुमे यांनी पीडितेची दोन दिवस छेड काढल्याचे सांगितले होते. भवाळने मात्र हे म्हणणे खोटे असल्याचे म्हटले. आरोपीसोबत मोटारसायकवरुन पीडितेचा पाठलाग केल्याचा, तिला धमकावल्याचाही त्याने इन्कार केला. आरोपी शिंदेच्या घरात पोलिसांना मोबाईल व अश्लील सीडीज मिळाल्याबद्दल आपल्याला काही माहित नसल्याचे भवाळ जबाबात म्हणाला.

आपल्या दातांचे नमुने घेतले नव्हते, असे त्याने सांगितले. मला दिवसभर चौकशीकरिता बोलावून बसवून ठेवले. चौकशीनंतर सोडून देण्याचे आश्वासन दिले. पण, नंतर काहीही कारण न सांगता अटक केली, असे तो म्हणाला. पोलिसांनी आपला मोबाईल व सिमकार्ड जप्त केल्याचे, तसेच नमूद केलेला मोबाईल क्रमांकही आपलाच असल्याचे त्याने मान्य केले. गुन्ह्यात आपला काहीच सहभाग नसल्याचे तो म्हणाला.

पुराव्यादाखल सीडी - आरोपी भवाळ याच्यातर्फे वकील अॅड. खोपडे यांनी न्यायालयात दोन व्हिडिओ सीडी जमा केल्या. मुख्यमंत्र्यांनी विधानसभेत कोपर्डी खटल्यातील आरोपींना फाशी देण्याचे आश्वासन दिल्याचा पुरावा एका सीडीत तर एका वृत्तवाहिनीला मुलाखत देताना मंत्री विनोद तावडे यांनी "आम्ही आरोपींच्या विरोधात असे पुरावे तयार केले आहेत, की आरोपींची सुटका होऊच शकत नाही' असे भाष्य आहे. 

साक्षीदारांची यादी - अॅड. खोपडे यांनी बचाव पक्षातर्फे दिलेल्या साक्षीदारांच्या यादीत रवींद्र चव्हाण, अॅड. उज्ज्वल निकम (विशेष सरकारी वकील), डॉ. राजेंद्र थोरात (स्टेट ब्युरो ऑफ हेल्थ इंटेलिजन्स), डॉ. उदय निरगुडकर (मराठी वृत्तवाहिनीचे संपादक), नाशिकच्या न्यायवैद्यकीय प्रयोगशाळेचे डायरेक्टर व जिल्हाधिकारी अभय महाजन यांचा समावेश आहे. या यादीवर न्यायालयाने सरकार पक्षाचे म्हणणे मागवले आहे. अॅड. निकम हे शुक्रवारी सकाळी युक्तीवाद करतील. त्यानंतर न्यायालय निर्णय देईल.
Reactions:

टिप्पणी पोस्ट करा

ताज्या बातम्या

[recent][timeline]

संपर्क फॉर्म

नाव

ईमेल *

संदेश *

Blogger द्वारा समर्थित.
Javascript EnablePlease Enable Javascript To See All Widget