History of Maharashtra

घोडेगावात शेतकऱ्यांनी पाडले कांदा लिलाव बंद


घोडेगाव । DNA Live24 - नेवासे तालुका कृषी उत्पन्न बाजार समितीच्या घोडेगाव उपआवारात शनिवारी शेतकऱ्यांनी कांदा लिलाव बंद पाडले. चांगल्या कांद्यालाही कमी भाव मिळाल्याने शेतकरी संतप्त झाले होते. शनिवारी किमान ४०० गाड्या कांदा आवक झाला. ही आजपर्यंतची विक्रमी आवक ठरली. चार तास लिलाव बंद पडले होते. अखेरिस सोनई पोलिस ठाण्याचे सहायक पोलिस निरीक्षक किरण शिंदे यांनी चर्चा करुन सर्वसमावेशक तोडगा काढला. त्यानंतर शेतकऱ्यांनी आंदोलन मागे घेतले.

सकाळी साडे अकरा वाजता बंद पाडलेला लिलाव चार तासानंतर दुपारी साडे तीन वाजता पुन्हा सुरु होऊन साधारण सहा वाजता संपला. शेतकऱ्यांनी लिलाव बंद पाडल्याचे समजताच सोनई पोलिस ठाण्याचे सहायक निरीक्षक किरण शिंदे, फौजदार ससाणे व सहकारी बाजारात दाखल झाले. शेवगाव, नगरमधूनही अतिरिक्त फाैजफाटा दाखल झाला. एपीआय किरण शिंदे यांनी ज्या शेतकऱ्यांना भाव परवडत नाही, त्यांनी माल देऊ नका. परंतू कायदा हातात घेऊन लिलाव बंद पाडणे, धिंगाणा घालणे, वाहनाच्या हवा सोडणे, बेकायदेशीर असल्याचे सांगून तसे केल्यास कारवाईचा इशारा दिला.

एक नंबर कांद्याला नऊशे रुपये क्विंटलपर्यंत भाव मिळत असताना व इतर मार्केटच्या तुलनेत भाव चांगला मिळूनही काही शेतकरी ओरड करून लिलाव बंद पाडत आहेत. शेतकऱ्यांची गैर सोय होऊ देणार नाही. लिलाव पुन्हा सुरु होतील. योग्य मालाचा रास्त भाव देऊ असे बाजार समितीचे सचिव देवदत्त पालवे म्हणाले. 

शेतकऱ्यांना आज मिळणारा भाव परवडत नाही. किमान हजार बाराशे प्रति क्विंटल बाजार असावा. पण हवामान, शेतकऱ्यांची गरज, बाजारात मालाची आवक, मालाच्या प्रतिनुसार भाव मिळत आहे. इतर मार्केटच्या तुलनेत बाजारभाव कमी निघाला. म्हणून ओरड होतेय. पण काय करणार, अशी हताश भावना रांजणगाव येथील शेतकरी एकनाथ चौधरी यांनी व्यक्त केली.

बाजार समितीत लिलाव चालू झाल्यानंतर एक नंबरला  आठशे ते नऊशे रुपये प्रति क्विंटल भाव देऊनही ठराविक शेतकरी लिलाव बंद पाडत आहेत. बंद नंतरही पाचशे रुपयापासून प्रतवारी नुसार नऊशे पर्यंत कांदा विकला गेला असल्याचे अडत असोसिएशनच्या वतीने सुदाम तागड, राजेंद्र ब-हाटे, संतोष सोनवणे यांनी सांगितले.
Reactions:

टिप्पणी पोस्ट करा

ताज्या बातम्या

[recent][timeline]

संपर्क फॉर्म

नाव

ईमेल *

संदेश *

Blogger द्वारा समर्थित.
Javascript EnablePlease Enable Javascript To See All Widget