History of Maharashtra

प्रेस क्लबतर्फे वारकऱ्यांना औषधी किटचे वितरण


अहमदनगर । DNA Live24 - प्रेस क्लबच्या वतीने संवेदनशिलता ठेवून वारकर्‍यांच्या आरोग्य सेवेविषयी केले जाणारे कार्य कौतुकास्पद आहे. इतरांना चांगले दिसावे म्हणून आचारणातील शिस्त अंगी बाळगायची नसते. तर दुसऱ्यांना त्रास होवू नये यासाठी नियमांचे पालन करण्यात खरा आनंद असतो. नैतिक मुल्यांचे आचरण व पालन केल्यास समाजात सुख व समाधान राहिल, असे प्रतिपादन महंत भास्करगिरी महाराज यांनी केले.

नगर शहर प्रेस क्लबच्या वतीने प्रती वर्षाप्रमाणे अध्यक्ष मन्सूर शेख यांच्या पुढाकाराने पंढरी यात्रेसाठी निघालेल्या देवगड दिंडीतील वारकऱ्यांना औषधी किटचे वितरण भास्करगिरी महाराज यांच्या हस्ते केले. इमामपूर घाट पायथ्यानजिक दिंडीच्या विश्रांती स्थळावर हा कार्यक्रम संपन्न झाला. यावेळी दिंडी सोहळ्याचे बाळू महाराज, महेश देशपांडे, दत्ता इंगळे, साहित्यिक चंद्रकांत पालवे, वाजिद शेख, महेश कांबळे, शाहिद शेख, सौरभ गायकवाड, रोहित वाळके, लैलेश बारगजे, संजय सावंत, सुशील थोरात आदिंसह पत्रकार, छायाचित्रकार उपस्थित होते.

भास्करगिरी महाराज म्हणाले, दिंडीत 90 टक्के शेतकरी वर्ग असतो. घर-दार सोडून वारकरी विठ्ठल भक्तीत तल्लीन होवून विठ्ठलाच्या दर्शनासाठी प्रतिवर्षी जातात. प्रापंचिक विवंचना असतेच. सध्या शेतकऱ्यांच्या कर्जमाफीची चर्चा सुरु आहे. शेतकरी अडचणीत असून, त्याला कर्जमुक्त करण्याचे बळ सरकारला मिळावे व सरकारची तिजोरीही भरल्याशिवाय राहणार नसल्याचे त्यांनी सांगत, कर्ज आहे म्हणून आत्महत्या कोणीही करु नये असे आवाहन त्यांनी केले. बायका मुलांचा आयुष्याचा उन्हाळा होतो, याची जाणीव ठेवायला हवी.

संकट आले तरी त्याला सामोरे जायला हवे. तेच बळ वारीच्या साधनेतून व संत विचारातून मिळत असल्याचेही भास्करगिरी महाराज म्हणाले. कार्यक्रमाचे प्रस्ताविक करताना महेश देशपाडे यांनी मस्तक हे पायावरी! वारकरी संतांच्या!! ही नगर प्रेस क्लबच्या पत्रकारांची वारकऱ्यांविषयी भावना असल्याचे सांगत, प्रेस क्लबतर्फे राबविण्यात येत असलेल्या उपक्रमांची माहिती दिली. भास्करगिरी महाराज यांच्याकडे पुंडलिक वरदा हरी विठ्ठल श्री ज्ञानदेव तुकारामच्या गजरात प्रेस क्लबच्या वतीने प्राथमिक उपचाराचे औषधी किट सुपूर्द करण्यात आले.
Reactions:

टिप्पणी पोस्ट करा

ताज्या बातम्या

[recent][timeline]

संपर्क फॉर्म

नाव

ईमेल *

संदेश *

Blogger द्वारा समर्थित.
Javascript EnablePlease Enable Javascript To See All Widget