Breaking

Post Top Ad

Your Ad Spot

शनिवार, १० जून, २०१७

गोवा चित्रपट महोत्सवात झळकणार 'भॉ'

नगर 1 DNA Live24 - नगरच्या मातीत तयार झालेला 'भॉ'हा मराठी सिनेमा लवकरच गोवा मराठी चित्रपट महोत्सवात दाखवली जाणार आहे. या सिनेमहोत्सवात सचिन - अ बिलियन ड्रीम्स, कासव, व्हेन्टिलेटर, चि व चिसौका, या सिनेमांसोबत नगरच्या भॉ ला  झळकण्याचा सन्मान मिळाला आहेे. त्यामुळे नगरकरांची मान अभिमानाने उंचावली आहे.

येत्या १६, १७ व १८ जून रोजी पणजी गोवामध्ये, गोवा मराठी फेस्टिवल साजरा होत आहे. यंदा या फेस्टिवलचे दहावे वर्षे आहे. अतिशय नावाजलेल्या, प्रत्येक वर्षीच्या प्रेक्षक समीक्षकांनी गौरविलेल्या, वेगळ्या धाटनीच्या, मराठी सिनेमा सम्रृध्द करणारे सिनेमे या महोत्सवामध्ये दाखवल्या जातात.यावर्षी दशक्रिया, सचिन, व्हेन्टिलेटर, एफयु, नदी वाहते, चि व चि.सौ.का, कासव, सायकल, डॉ. रखमाबाई या फिल्म्ससोबत नगरची भॉ सुद्धा दाखवली जाणार आहे.

या फेस्टिवलमध्ये भॉ ची निवड होण्याचं कारण म्हणजे फिल्मची वेगळी धाटणी असल्याचे आयोजकांनी सांगितले आहे. भॉ हा  आजपर्यंतच्या मराठी सिनेमा इतिहासातील पहिलाच फाऊंड फुटेज फॉरमॅटवर आधारीत सिनेमा आहे. शिवाय फिल्ममध्ये 5 ते 7 मिनिटांचे दृष्य आहेत. शिवाय सिनेमाचे संगीत हे सीन सुरू असताना जागीच रेकॉर्ड केलं गेलेलं आहे. या आणी अशा अनेक दर्जेदार प्रयोगामुळे गोवा मराठी फिल्म फेस्टिवलमध्ये प्रदर्शनासाठी भॉची निवड झाली आहे.

गोवा सिनेमा फेस्टिवलचे यंदाचे प्रमुख आकर्षण सचिन तेंडुलकर, ह्रितिक रोशन, प्रियंका चोप्रा हे आहेत. ह्रितिक रोशनचा 'ह्रुदयांतर' व प्रियंका चोप्रा च्या 'क्या रे  रास्कला' या मराठी सिनेमाचे प्रिमियर शोही या महोत्सवात होणार आहेत. याअगोदर कोल्हापूर फिल्म फेस्टिवल मध्ये भॉ या फिल्मला बेस्ट अक्टर (संकर्षण कराडे) व स्पेशल ज्युरी अवॉर्ड अशी दोन पारितोषिके मिळालेली अाहेत. संस्कृती कलादर्पण, मुम्बई येथे बेस्ट आर्ट डिरेक्शनचे नॉमिनेशन होते.

विरोज मुनोत यांनी कार्यकारी निर्मात्याची जबाबदारी सांभाळली. तर संकर्षण कराडे, शाश्वती पिंपळीकर, हृषीकेश वाम्बुरकर हे प्रमुख भूमिकेत असून किशोर चौघुले, समीर चौघुले हे सहाय्यक भूमिकेत आहेत. भॉ सिनेमाचे अर्धे चित्रीकरण राजगड किल्याच्या पायथ्याच्या जंगलात झाले असून अर्धा भाग नगर शहरातील पाईपलाइन रोड, दारवेकर वाडा, प्रोफ़ेसर चौक, केडगाव स्मशानभूमी, सावेडी नाका, न्यू आर्ट्स कॉलेज याठिकाणी झालेले आहे. येत्या सप्टेंबर मध्ये भॉ प्रदर्शित होणार आहे.

कोणत्याही टिप्पण्‍या नाहीत:

टिप्पणी पोस्ट करा

Post Top Ad

Your Ad Spot

Pages