Header Ads

  • Breaking News

    अॅड. उज्वल निकम यांच्या महागड्या मोबाईल्सची चोरी

    झेड सुरक्षा भेदून चोरट्यांनी दाखवली हात की सफाई

    जळगाव । DNA Live24 - मुंबईहून पठाणकोट एक्स्प्रेसने जळगावला येत असताना राज्याचे विशेष सरकारी वकिल उज्ज्वल निकम यांचे दीड लाख रुपये किमतीचे दोन मोबाईल चोरट्यांनी चोरले. हा प्रकार शनिवारी रात्री घडला. तर चोरी झाल्याचे रविवारी सकाळी लक्षात आले. अ‍ॅड. निकम यांना असलेली झेड प्लस सुरक्षा भेदून चोरट्यांनी ही हात की सफाई दाखवली आहे.

    अॅड. निकम हे दादर-अमृतसर पठाणकोट एक्सप्रेसने जळगावला जात होते. रेल्वेच्या ए-वन या वातानुकुलित बोगीतील 38 क्रमाकांचे सीट शनिवारी रात्री अॅड. निकमांसाठी आरक्षित केलेले होते. शनिवारी रात्री ते दादर रेल्वे स्थानकावरून या एक्स्प्रेसमध्ये बसले. त्यांच्यासोबत मुंबईचा सुरक्षा ताफादेखील होता. कल्याण स्टेशन सोडल्यानंतर अ‍ॅड. निकम त्यांच्या सीटवर झोपले.

    पहाटे सहा वाजेच्या सुमारास पाचोरा स्टेशन आल्यावर त्यांना जाग आली. त्यावेळी त्यांचे दीड लाख रुपये किमतीचे दोन मोबाइल चोरी झाल्याचे त्यांना लक्षात आले. या घटनेमुळे विशेष सरकारी वकील उज्ज्वल निकम यांच्या सुरक्षाव्यवस्थेवर प्रश्नचिन्ह निर्माण झाले आहे.
    सुरक्षा रक्षकही झोपले - अॅड. निकम यांच्या सुरक्षा बंदोबस्ताला असलेल्या झेड प्लस दर्जाच्या सुरक्षा ताफ्यातील रक्षकही रात्री झोपलेले होते. मनमाड येथून त्यांच्या सुरक्षा रक्षकांचा ताफा बदलला. त्यानंतर तेही झोपले होते. त्यामुळे दोन्ही मोबाईल हे कल्याण ते मनमाड दरम्यान चोरीस गेले की मनमाड ते पाचोरा दरम्यान हे अद्याप स्पष्ट होऊ शकलेले नाही. सकाळी साडेसहा वाजता जळगाव स्थानकावर उतरल्यावर अ‍ॅड. निकम यांनी लोहमार्ग पोलिसात तक्रार नोंदवली. त्यानुसार अज्ञात चोरट्यांविरुध्द भुसावळला गुन्हा दाखल झाला आहे.

    कोणत्याही टिप्पण्‍या नाहीत

    Post Top Ad

    Post Bottom Ad