728x90 AdSpace

[recent][timeline]
Latest News

मागण्या मान्य होईपर्यंत शेतकरी संप सुरूच राहणार - संजीव भोर


अहमदनगर । DNA Live24 - गेल्या दोन दिवसांपासून महाराष्ट्राच्या कानाकोपरात शेतकरी संपाला मोठा प्रतिसाद मिळाला आहे. पण, महाराष्ट्रातील शेतकरी प्रतिनिधींशी कोणतीही चर्चा न करता हा संप मागे घेणे, म्हणजे पोरकटपणाच आहे, असे मत संजीव भोर यांनी व्यक्त केले आहे. कृषी मुल्य आयोग असो वा हमीभाव कायदा, मंत्रीमंडळाची बैठक घेवुन तातडीने अद्यादेश का काढला नाही, असा सवाल शिवप्रहार संघटनेचे संस्थापक अध्यक्ष संजीव भोर यांनी उपस्थित केला आहे.

शेतकरी संपामध्ये सहभागी होत पारनेर तालुक्यातील टाकळी ढोकेश्वर येथे ३१ मे आंदोलन केल्याप्रकरणी पोलिसांनी शुक्रवारी सकाळी भोर यांना अटक केली होती. पारनेर पोलिसांनी न्यायालयात हजर केल्यानंतर संजीव भोर व रामदास घावटे यांनी जामीन नाकारले. तसेच पारनेर तुरूंगातच उपोषण चालु केले होते. मात्र, शनिवारी संप मागे घेण्याचा निर्णय झाल्यानंतर सभापती प्रशांत गायकवाड व शंकर नगरे यांच्या हस्ते लिंबु पाणी घेवुन भोर यांनी उपोषण मागे घेतले.

शेतमालाला रास्त हमीभाव मिळाला पाहिजे, कर्जमाफी झाली पाहिजे, या मागण्यांसाठी चाललेले आंदोलन सरकार व प्रशासन दडपशाही मार्गाने चिरडण्याचा प्रयत्न करीत आहे, असा आरोप भोर यांनी केला आहे. दुसरीकडे या आंदोलनातील शेतकऱ्यांना अटक करून त्यांच्या वर खोटे गुन्हे दाखल करण्याचा सपाटा लावला आहे. ही बाब निंदनीय असल्याचे सांगुन सरकार व प्रशासनाला यांचे परिणाम भोगावे लागतील, असा इशाराही संजीव भोर यांनी दिला आहे.

सरकार केवळ बोलघेवडेपणा व वेळकाढूपणा करत आहे. त्यामुळे शेतकरी हिताचे निर्णय प्रत्यक्षात येईपर्यंत हे आंदोलन चालु ठेवण्यात असल्याचे भोर यांनी सांगितले आहे. यावेळी बाजार समितीचे सभापती प्रशांत गायकवाड शंकर नगरे भुमीपुत्र जिल्हाध्यक्ष अनिल देठे, अरूण ठाणगे, प्रशांत औटी, बाबा भोर, संदिप संसारे, अॅड. कावरे यांच्यासह शेतकरी व कार्यकर्ते उपस्थित होते.
  • Google Comments
  • Facebook Comments
Item Reviewed: मागण्या मान्य होईपर्यंत शेतकरी संप सुरूच राहणार - संजीव भोर Rating: 5 Reviewed By: DNA Live24