728x90 AdSpace

[recent][timeline]
Latest News

साेनई पोलिसांनी आवळल्या बुलेटचोराचा मुसक्या


सोनई । DNA Live24 - नेवासे तालुक्यातील सोनईच्या माजी सरंपंचाच्या चोरी गेलेल्या बुलेटचा तपास करताना पोलिसांनी सहा मोटारसायकली जप्त केल्या आहेत. या मुद्देमालाची एकूण किंमत जवळपास ६ लाख रुपये आहे. याप्रकरणी दोन आरोपींना अटक करण्यात आली आहे. आरोपींनी चोरलेल्या गाड्या सोनई, राहुरी व नागापूर एमआयडीसी परिसरातून चोरल्याची कबुली दिली आहे. सोनई पोलिस ठाण्याचे सहायक पोलिस निरीक्षक किरण शिंदे व त्यांच्या सहकाऱ्यांनी ही कामगिरी केली आहे.

सोनई गावचे माजी सरपंच राजेंद्र बोरुडे यांची सिल्व्हर रंगाची बुलेट गेल्या आठवड्यात त्यांच्या राहत्या घरासमोरुन चोरीला गेली होती. याप्रकरणी त्यांनी सोनई पोलिस ठाण्यात फिर्याद दिली. सहायक निरीक्षक किरण शिंदे व त्यांच्या सहकाऱ्यांनी वेगाने या गुन्ह्याचा तपास सुरु केला. याप्रकरणी भाऊसाहेब मारुती निकम (रा. वडगाव गुप्ता, ता. नगर) व सुजित नवनाथ पवार (रा. खडांबे, ता. राहुरी) या दोघांना पोलिसांनी ताब्यात घेतले. त्यांनी चोरलेली बुलेट पोलिसांच्या स्वाधीन केली.

मात्र, निकम याच्याविरुद्ध नगरमध्येही मोटारसायकल चोरीचे गुन्हे दाखल असल्याचे पोलिसांच्या लक्षात आले. त्यामुळे त्याला पोलिसी खाक्या दाखवताच त्याने आणखी काही मोटारसायकली चोरल्याची कबुली दिली. पोलिसंानी त्यांच्याकडून एकूण सहा मोटारसायकली हस्तगत केल्या आहेत. सहायक निरीक्षक शिंदे यांच्यासह पोलिस हेड कॉन्स्टेबल सोमनाथ झांबरे, विजय भिंगारदिवे, गणेश धोत्रे यांच्या पथकाने ही कामगिरी केली. जप्त केलेल्या गाड्यांमध्ये ४ बुलेटचा समावेश आहे. ही गाडी आवडत असल्यामुहे चोरल्याचे निकमने पोलिसांना सांगितले आहे. 

घरासमोर लावलेल्या, कंपाऊंड-ग्रीलच्या आत बंदिस्त असलेल्या बुलेट गेटचे कुलूप तोडून पळवल्याचेही निकमने सांगितले. तर काही मोटारसायकली लॉक तोडून चोरल्याची कबुली त्याने दिली आहे. त्याच्याकडून आणखी काही गुन्हे उघडकीस येण्याची शक्यता असल्यामुळे पोलिस त्याची अधिक चौकशी करीत आहेत. सध्या निकम पोलिस कोठडीत आहे. या गुन्ह्याचा अधिक तपास सोनई पोलिस करीत अाहेत.
  • Google Comments
  • Facebook Comments
Item Reviewed: साेनई पोलिसांनी आवळल्या बुलेटचोराचा मुसक्या Rating: 5 Reviewed By: DNA Live24